LEGO Eiffeltuerm wäert de gréisste Set vun 2022 ginn
Super Neiegkeet fir all erwuessenen LEGO Fan!
An tatsächlech gëtt den kommenden Lego Eiffeltuerm richteg héich! Wat mir Iech elo schonn kënne soen, dat et ab November exklusiv bei LEGO en neie Modell vum Paräisser Eiffeltuerm gëtt!
Leider hu mir nach keng genee Unzuel un Deeler, mä eisen Informatiounen no wäert de LEGO Eiffeltuerm gigantesch Proportiounen hunn. Mir ginn am Moment un eng Héicht vun mindestens 1,30 m. Awer wann ee bedenkt datt de LEGO 10294 Titanic vum leschte Joer 1,35 m laang ass, kënne mir eis gutt virstellen datt d’LEGO Designer e puer Zentimeter op den nächste Rekord addéieren.
De Präis wäert warscheinlech esou gigantesch sinn wéi de Modell selwer. Wéi bei der Titanic soll dat wuel 629,99 Euro sinn. Dëst géif net nëmmen den Eiffeltuerm zum héchste LEGO Modell vun allen Zäiten maachen, mee no eisem aktuellen Wëssen och den deierste Set vun 2022, gefollegt vum LEGO Star Wars D2C Set 75331 fir $529.99 an LEGO Harry Potter D2C Set 76405 fir $469. 99$.
- Set Zuel: 10307
- Thema: LEGO Creator Expert / LEGO Adult Builders
- Bezeechnung: Eiffeltuerm
- Zuel vun Deeler:?
- Release Datum: November 2022
- Disponibilitéit: LEGO
- Recommandéiert Alter: 18+
- Präis: 629,99 Euro
Am Géigesaz zu de fréiere Eiffeltuerm vun LEGO, wäert déi neisten Versioun wuel fir d’éischte Kéier an tan oder dark tan entworf ginn a géif also vill méi no un d’Faarf vum richtegen Eiffeltuerm kommen. Laut Promobrick soll den neie LEGO Eiffeltuerm Modell mat vill méi Detailer a sophistiquéierten Technike gebaut ginn vis-à-vis vum Modell vun 2007 . Besonnesch déi vill Verstriewungen vun den eenzelen Stolträger wäerte wuel e visuellen Highlight sinn – a warscheinlech en Horror fir ze botzen.
Duerch déi relativ grouss Dimensiounen kann de Set wuel net op enger Basisplack wéi säi Virgänger gebaut ginn. Amplaz sollt et eng Aart Rumm sinn, déi Stabilitéit tëscht de véier Féiss vum Tuerm gëtt. Leider kënne mir nach net soen ob d’Designer et iwwerhaapt fäerdeg bruecht hunn d’Liften am Tuerm ze beweegen.
