GTA 6: Insider verréit, wéini den éischten Trailer erschéngt

Tez2 war ëmmer richteg mat sengen Leaks an der Vergaangenheet.

Rockstar Games

D’Bomm ass geplatzt! Spillentwéckler Rockstar Games huet virun e puer Deeg bestätegt datt GTA 6 an der Entwécklung ass. D’Ukënnegung schaaft positiv Opreegung op der Bourse an ënnert de Fans vum Videospill. Awer wat ass bis elo iwwer Grand Theft Auto 6 bekannt? Mir hunn d’Fakten fir Iech.

Bis elo huet sech den amerikanesche Spillhiersteller wéineg Präis ginn. Et gëtt Spekulatiounen wéini e Verëffentlechungsdatum erwaart ka ginn. Awer et gi keng ëffentlech Aussoe vu Rockstar weder iwwer den Datum, nach iwwer Settings. Awer et gi vill Spekulatiounen a Rumeuren iwwer dat laang erwaarde Videospill.

Den Tez2 , e bekannten Leaker, spezialiséiert op Rockstar Games, deen an der Vergaangenheet mat den Saachen iwwer Rockstar Titelen richteg louch. Den Tez2 geet dovunner aus, dass et nach dës Joer een Reveal kommen wäert. Bléift Rockstar sech trei, kënne mir eis op een Trailer freeën, deen Zeenen aus dem Spill direkt weist. Wann d’Firma sech senger eegener Reveal-Logik trei bleift, dann misst et am Hierscht souwäit sinn.

Bis Spill dann tatsächlech rauskënnt, kann dann awer nach e puer Joer daueren. Kuckt een sech awer Vergaangenheet vun der Firma un, kënnt Dir och hei e kloert Muster erkennen. Wann Dir op GTA V a Red Dead Redemption 2 referéiert, huet et bal zwee Joer no der Verëffentlechung vum jeeweilegen Trailer gedauert bis d’Spiller verëffentlecht goufen. An dem Sënn, géif GTA 6 am Hierscht 2024 an Geschäfter kommen. Egal wéi, eng Saach ass sécher: bis dohinner wäerten nach vill Rumeueren rauskommen an d’Erwaardung vum laang erwaarde Videospill wäert weider eropgoen!